Gåvvim: Niels Ovllá Oskal Dunfjell

Oahpestiddje Linnéa

Linnéa Knutsen (20) luluj tjielgga ja njuolgga hållat, jus luluj ålles værálda álmmugij juojddá sárnnot.


Linnéa doajvvu sáme oahpestiddje ja­ges sjaddá juoga ållu sierra. Jáhkká sieldes råhttuj boahttu, valla adjáj miel­lagiddis sjaddá.

– Gåktus lulu ietjat buojkodit abmasij?

– Iv vuojga runástalá, de soajtáv sjávos siehken gullut. Valla dakkár ájádus mujsta gádosj dávk mujna oahpástuvádijn.

– Masi la mielastuvvam?

– Muojon lågåv, juska iv nåv ålov dagu åvd­dåla. Muhttijn aj vuolgáv váttsatjittjat, ájnat de ham galggá soames fáronim jali FaceTimen hoalmmedimen.

– Mij le vájmut ássje?

– Julevsáme åvddånahttet ja davva adnegoahtet vaden árggabiejve giellan. Ållagasj le ájnas ásadit ienep oahpponævojt julevsábmáj, vil gå állis moattes ienemus sáme skåvlån oahppi.

– Massta ienemusát balá?

– «Guokta bágo gåjt astijdin lånudit.» Dah­ta ham ietjas tjielggi.

Gåvvim: Niels Ovllá Oskal Dunfjell

– Mij le hehpasamos duv dahkam (mavva lulu midjij bigodit)?

– Gássjel huomahit, valla jáhkáv dalloj, gå soajttiv åhpadiddjev ieddnen, áhttjen nabd­det ...

– Le gus dunji hásstalussan idedis badjánit, váj tjiellista gus njuolgga látjos smaredattijn?

– Naaaaaa ... Skuolanav dávk skuoladah-táv dábálattjas ienebuttjav. Låssåt le ham smaredit, gå skuolana niegojda njáhki.

– Mij le stuorámus niehkut, mavva lulu duohtan sávvat?

– Væráldav miehtáj mannat. Juohkka kontinentav gåjt de akti guossidit luluj ajtu dale dakkár niehko, mij oallen sjaddá.

– Guhtimusj le mielastit stuorámus sáme dåbduk?

– Mielastim Agnete, Ella Marie ja márjju Erlend Elias li stuorámus sáme dåbdugijs jur dálla.

– Jus lulu ájggemanánij lávkkit, gudi jahkáj lulu vuolgget?

– 1990-jagijda dávk luluv vuolggám, nåk gulátjit, jus divna muv æjgádij giehttum subttsasa li duohta.

– Makkár bargov sávada allasit?

– Agev lav giehttum åhpadiddjen sjaddamis, valla dálla oahpestiddjen gåjt barggo NRK Sápmin, jali ietján journalisstan, mielav un­nán giddi.

– Jus lulu ålles værálda álmmugij hållat, de majt?

– Viehkeda, gejt máhtá. Iesj ham soajtá si­já vidjurijda boahttut.