Noerhte Universiteeten bööremes studeentesiebrie

Skïereden 2020 studeentesiebrie Studeenth Åarjeldajvesne (SÅD) tseegkesovvi. Jalhts jïjnje vuestiebïegke orreme koronan gaavhtan ståvroe daelie tjaktjese aavode orre nuepiejgujmie.


Les på andre språk: Norsk

Åarjelsaemien gïelese: Ellen Bull Jonassen

Mijjieh mubpieåvtehke Olena Hættam (20) Guovdageaidnuste jïh ekonomiken tjåadtjoehtæjja Ramona Kappfjell Sørfjellem (23) Sïebneste gaavnedibie Zoomen tjïrrh.

Olena aalka sov dååjresen bïjre soptsestidh goh Noerhte Universiteetese Lievengisnie båtedh, bielele maam akt sijjien jallh almetji bïjre desnie damtedh.

– Gosse diekie böötim daan tjaktjen, dellie lij numhtie: «Okej, vuajnam saemien tsïeglh daesnie». Men idtjim daejrieh mejtie lij saemieh daesnie, jïh gusnie edtjim dejtie gaavnedh, Olena jeahta.

Olena eajhnadovvi maam jïjtje daejnie darjodh jïh gaskesem still raeriestæjjine, mij satnem raeriesti gaskesem eltedeh åarjelsaemien lokehtæjjastudien koordinatorvrine mij tåanghkoem jeatjah saemien student gujmie örnedi.

The best student gaavhta sjïdti

Olena soptseste gosse dah voestes aejkien gaavnedin, dellie tjahkan sjïdtin soptsestidh golme, njieljie tæjmoeh jïh vihtiestin lij murreds orreme studeentiesiebriem aelkedh.

– Mijjieh sïjhtimh aelhkebe darjodh dejtie mah sijhtieh gaskesem åadtjodh jeatjah saemiejgujmie, men mah dagke eah doesth raeriestæjjine gaskehtadh, Olena jeahta.

Olena Hætta. Guvvie: Private

Ramona soptseste dah mah åarjelsaemien lokhehtæjjaöhpehtimmesne eelkin dæjman, Leah guhkiem ussjedamme studentesiebriem aelkedh.

– Mijjieh åssjaldahkine utnimh dagke aktanidh dejnie julevsaemien lokhehtæjjaöhpehtimmine Bådåddjosne. Men gaavnehtimh mijjieh voestegh tjoerimh studentesiebriem aelkedh Noerhte universiteetese Trööndelagesne, Ramona jeahta.

Lohkh aaj: Samiske veivisere: – Et utsijing år

Corona mijjem töttjeste

Dovne Olena jïh Ramona læjhkan tuhtjieh lij luste orreme aktem tjåenghkies saemien studentesiebriem buektiehtidh.

– Mijjen minngebe ulmie, gosse mijen studeensiebrie lea aalkeme juhtedh, lea abpe Noerhte Universiteetem iktedidh.

Darjomigujmie nïerhkedh lea stoerre haesteme orreme coronatsiehkien gaavhtan.

Ramona Kappfjell Sørfjell. Guvvie: Niels Ovllá Oskal Dunfjell

– Siebrine aelkedh lea aelhkie orreme, men tjïrrehtidh lea vïerrebe. Fïerhten aejkien mijjieh libie maam akt soejkesjamme, dellie njoelkedassh faahketji striengkiesåbpoe sjïdteme. Jïh dellie ibie nuepiem åtneme Dam tjïrrehtidh. Numhtie orreme gellien aejkien, Olena jeahta.

Daelie studeenth lissine bïevnesem åådtjeme abpe ööhpehtimmie tjaktjen raajan säjhta digitale årrodh.

– Joekoen slæjhtoes orreme, juktie mijjieh hov vaajtelibie almetjh råakedh jïh almetjigujmie åahpenidh. Daelie ibie maam utnieh mïsse maehtebe aavoedidh, juktie iktesth ussjede: «jis mijjieh maam akt soejkesjibie, dellie sån ij mejtegh destie sjïdth.» Jïh maaje ij mejtegh destie sjïdth, Olena jeahta.

Laavenjostoem säjhta

Studeentiesiebrie læjhkan åvtese vuajna jïh stoerre syjhtedassh åtna dïsse maam sijhtieh tjïrrehtidh.

– Mijjen ulmie lea baajedh årrodh ajve golme aath utnedh mejtie maehtebe aavoedidh abpe jaepien, goh goevten 6. b., gaptabiejjie jïh gïelevåhkoe.

– Sïjhtebe aaj mijjieh maehtebe darjoemihdie j avoederbuidh. gïele- jïh kultuvreprïhtjhgåetie, hæhtjosne mïnnedh jïh duedtie-iehkedh. Gegkiestibie mijjieh maehtebe dejtie darjoemidie tjïrrehtidh tjaktjen raejeste, Olena jeahta.

– Aaj gegkiestibie mijjieh maehtebe siebrine Saamien Studeenth Tråantesne laavenjostedh, guktie maehtebe stuerebe öörnemh tjïrrehtidh, jïh Saamien studeenth daamtajåbpoe tjönghkedh, Ramona lissehte.

Laila Louise Hengzhi Joma Rustad. Guvvie: Private

Maajja-Krihke Bransfjell. Guvvie: Private

SÅD charm

Mijjieh viele SÅD's soejkesji bïjre soptsestibie, jïh ij Leah naan juerie jïjnje gïeltege lea vuertiemisnie, dan varke Korona Dam luhpehte.

Minngemes Ramona tjïelke haestemem åtna dejtie mah eah rikti daejrieh maam edtjieh tjaktjese darjodh:

– Jalhts ohtsememierie lea nåhkeme, maahta gujht syokedh dejtie sijjide mah aajmene sjïdteme dejnie Sami lokheminie. Jis Dam sïjhth, dellie mijjieh SÅD:sne dijjem ræhpas gïetigujmie dåastoehtibie.