-
Gergosat finálii
FA Sápmi lea vuoitán juohke čiekčama máilmmimeašttirgilvvuin, eai ge leat luoitán sisa ovttage moala olles gilvvuin. Dál leat gergosat finálii, ja áigot doalahit seamma dási loahppačiekčamis.
-
Sámi filbmabonanza
Dál leat buvttaduvvome guokte stuora sámi TV-ráiddu. Kárášjogas buvttaduvvo Oro Jaska, ja Guovdageainnus ges Heajastallan. Š lea beassan akto ja vuosttaš median goappaš filbmenbargguide.
-
Dušše gaskaboddosaš loahppa
Movt son riekteoahppostudeanta ja aktivista vásiha leahkit dikki ovddas ja dasto áššehuhttot? Fovse-miellačájeheaddji Elle Nystad (24) juogada minguin iežas jurdagiid Fovse-ášši birra dán rádjái, ja makkár mearkkašupmi dás lea sámi áššiide ovddos guvlui.
-
Somá dánset!
Skilleduorastaga lágidedje Sámi ofelaččat lullisámi dánsenkurssa Diehtosiiddas, ja dohko čoahkkanedje olu áŋgiris dánsejeaddjit oahppat «sydisa».
-
Nuoraide krim
«Husky» lea vuosttaš sámi gelddolaš TV-ráidu man NRK lea guhkes áigái ráhkadan. Mii leat deaivvadan váldorollaid neavttáriiguin Sara Felicia (14), Mihkku Johannes (13) ja Leon (13).
-
Váhnemiidda guorran
Máret Áile Gaup Beaska (19) láve sáhttit ihkku oađidettiin hutkat ođđa šuoŋaid. Son dávjá gullá ja bádde melodiija, ja iđđes árvvoštallá lea go das potensiála.
-
Oaččuiga vejolašvuođa johtit Amerihkái
Sámi joatkkaskuvla Kárášjogas dohkkehuvvui eamiálbmotskuvlan jagi 2022, maŋŋá máŋgga jagi bargan miellahttuvuođa ovdii. Kárášjoga nieiddat Erika Guttorm Johansen (19) ja Kirsten Hánná Sofe Nystad (19) geat leaba oahppit Sámi joatkkaskuvllas Kárášjogas oaččuiga dan vejolašvuođa bargat WINHEC:in skuvlla oktavuođain ja johtit Amerihkái deaivat eará eamiálbmogiid.
-
Nubbin Holbergprisen i skolen-dutkangilvvus 2023
Njeallje Sámi joatkkaskuvla ja boazodoalloskuvlla oahppi Guovdageainnus barge máŋga mánu dutkanprošeavttain. Sin ráporta doalvvui sin finálii Bergenis Holbergprisen i skolen oktavuođas. Bálkkašumi juohkin lei oassin dán jagáš Holbergvahkkus geassemánu 6.–12. beivviid Bergen Katedralskole-visttiin. Dutkanráportta čálle Sara Lea Gaup, Sara Elise Eira, Ellen Mathisdatter Sara ja Marita Alexandersen.
-
Danin fertet diehtit ahte lean sápmelaš
Golggotmánu 12. b. almmuhii artista Ella Marie Hætta Isaksen iežas vuosttaš girjji “Derfor må du vite at jeg er same”. Son gohčoda dan ráhkisvuođareiven sámi álbmogii.