Shutterstock

Dårlig sámegiella

Don fertet máhttit sihke dárogiela ja sámegiela vai ipmirdat dán čállosa. Ii leat gal sihkar ahte bijat hatti dasa, muhto nu goit lea.


Mun dieđán olu suohtas teakstačálliid birra ja dál háliidivččen ieš maid geahččalit čállit suohttasit nu movt sii. Árvidan ahte šaddá erenoamáš váttis sin skuovaid deavdit, muhto mun geahččalan goit.

JUS IT IPMIR dárogiela ja leat ain lohkame, de dáiddát jurddašit ahte lean oalát dájáskan. Muhto mun sáhtán dáhkidit ahte lean dearvvaš dego guolli. Liikká lea gal mus ávžžuhus dutnje.

BUOT MAID LOGAT dán čállosis, fertet váldit veahá sálttiin. Jus it leat vel áibbas riekta ipmirdan maid oaivvildan, de dáidá fargga mannat čuovga bajás dutnje maid. Sávvamis dahká nu. Dán čállosa ovddas jáhkán oainnat oažžut bihpporiid.

MUN JÁHKÁN soapmásat leat juo logadettiin ribahan gáfe boasttu čoddagii. In han mun eará go buljar duššiid.

II MUS ORO ulbmil čállosiin, dan ferten mieđihit. Muhto mun han šattan vuođu bidjat ovdalgo sáhtán ovtta lávkki viidáseappot váldit. Nu movt buot eará čállit ge.

Niels Ovllá Oskal Dunfjell

LIIKKÁ šállošan didjiide geat vurddiidet beassat suohtas hearvačállosa lohkat, muhto geat dál dovdabehtet iežadet doalvvuhuvvon čuovgga duohkái. Soaitá buoremus loahpahit.

Loga maid: Nuorranuorat

Loga maid: Gean don leat bárdni?

JUS HÁLIIDAT sáddet váidaga midjiide, de áinnas daga dan. Mun liikon dakkáriidda geat leat njuolga. Mun lean iešheanalaš ja máhtán čuožžut iežan julggiid alde, gal mun nai lean ovdal leamaš olgun dálveija.

IN JUR dan veaháža dihte gal beaškket seinniin oktii, guhkkin eret.