Jur rocket science gal ii leat dát bihttá, muhto ii daga bahás oahppat ovtta dahje moadde suohtas dieđu duon dán birra. Oahppu ii deatte, vaikko makkár dásis dál leažžá leat.
Loga maid: Dihtet go dán Š birra?
1. Dihtet go ...
... ahte oasážat Hmong-álbmoga árbevirolaš biktasiin muittuhit ja máŋgga láhkai sulastahttet Guovdageainnu gávtti? Geahča beare govaid dás vuolábealde. Hmong-álbmot gullet vuosttažettiin Kiinnái, Laosii, Vietnamii ja Thailandii, muhto ásset maiddái eará riikkain.
Nu movt sámiin ge, de leat sin árbevirolaš gárvvut maid máŋggaláganat ja árvideames čájehit ge guđe guvlui gullet. Gávdnojit gaskkal 4 ja 5 miljovnna hmong. Sis lea iežaset giella ja historjá.
2. Dihtet go ...
... ahte dušše sullii 10 % máilmmi álbmogis leat gurutgieđagat?
3. Dihtet go ...
... ahte Coca-Cola lea buvtta man máilmmi ássit ostet buot eanemusat? Coca-Cola hutkojuvvui 1886:s, muhto buvttadeaddjit jođihedje dušše 25 bohttala vuosttaš jagi. Dál vuvdojuvvojit oktiibuot 1,9 miljárdda juhkosa máilmmiviidosaččat – juohke beaivvi!
4. Dihtet go ...
... ahte Sámi álbmotbeaivi šattai almmolaš levgenbeaivin Norgga bealde easkka 2003:s?
5. Dihtet go ...
... ahte Taumatawhakatangihangakoauauotamateaturipukakapikimaungahoronukupokaiwhenuakitanatahu lea máilmmi guhkimus báikenamahus? Das leat olles 85 bustáva! Dán báikki gávnnat davvisullos Ođđa Selánddas.
6. Dihtet go ...
... ahte eallinagis ráhkadat dan mađe olu čolgga ahte nagodivččet deavdit olles guokte stuora vuojadanbasseaŋŋa dainna?
7. Dihtet go ...
... ahte Intrigue-lávlu Kai Somby gaskanamma lea Marino? Kai Marino Somby – čaffat!
8. Dihtet go ...
... ahte Maxida Märak duohta namma ges lea Ida Amanda Märak?
9. Dihtet go ...
... ahte eananspábba lea ruoktun birrasii 8,7 miljovnna iešguđetlágan nállái? Dan leat dutkit gávnnahan. Jurddaš! Olmmoš lea dušše okta dán 8,7 miljovnna nális. Hávga fas nubbi ja háisuoidni ges goalmmát.
10. Dihtet go ...
... ahte gaskamearalaš olmmoš vázzá birrasii 120 000 km eallinagis? Dat vástida dan seamma go vázzit eananspáppa birra olles golmma geardde.
