Kultuvra  |
Forfatter Š | Språk/Giella: language Norsk

Dás leat čohkken logi suohtas dieđu dahje fun facts Š birra. Dahje suohttasat ja suohttasat, humora han lea oalle váttes ášši.

Les saken på norsk her.

Nuoraidságaid muitaleaddji, Š, ilmmai juo 1993:s. Jurddaš, fargga 30 jagi áigi! Sihke bláđđi ja máilbmi lea rievdan ja ovdánan dan rájes, muhto nuoraidságát leat ain seamma dehálaččat dál go ovdal.

Dasa gal dáiddat ovttaoaivilis, muhto dihtet go …

1.

… ahte 1993 rájes leat 113 nummára ilbman Š báberbláđis? Vuosttaš jagiid eai lean fásta almmuheamit nu movt dál leat. Dan eai šaddan ovdal go Sámediggi ruhtadišgođii bláđi 2001:s.


Vuosttaš ovdasiidu
Vuosttaš nummár goassege. Dat ilmmai 1993:s

2.

… ahte Š doaimmaheaddjit leat leamaš Anne Lajla Utsi (1993-1995 ja 2001-2005), Elle Márjá Vars (1996-2001), Inga Marja Steinfjell (2005-2007), Máret Ánne Sara (2007-2012) ja Niels Ovllá Oskal Dunfjell (2012-).


3.

… ahte Š lea okte ilbman dárogillii maid? Dálá doaimmaheaddji Niels Ovllá Oskal Dunfjell studeregođii seammás go bargagođii doaimmaheaddjin. Bláđđi dárogillii ráhkaduvvui pdf-bláđđin skuvlaprošeavtta oktavuođas 2015:s. Dan gávnnat dáppe.


Norsk forside
2015:s ilmmai nr. 80 dárogillii maid.

4.

… ahte olu min sámi beakkálmasain leat leamaš Š ovdasiiddus ovdal go duođai beakkihedje? Dá leat muhtumat sis:



5.

… ahte Š lea 2020 rájes almmuhuvvon digitála bláđđin maid?
Daid gávnnat dáppe.


6.

… ahte vuosttaš doaimmaheaddji Anne Lajla Utsi ja dálá doaimmaheaddji Niels Ovllá Oskal Dunfjell leigga goappašagat 20-jahkásaččat go ámmáhii álggiiga?


Anne Lajla Utsi nuorran
Vuosttaš doaimmaheaddji Anne Lajla Utsi dalle go Š álggahuvvui.
Niels Ovlla Dunfjell ja Anne Lajla Utsi
Dá leaba dálá doaimmaheaddji Niels Ovllá Oskal Dunfjell ja vuosttaš doaimmaheaddji Anne Lajla Utsi govvejuvvon 2018:s.

7.

… ahte Š sáddejuvvo nuvttá buot skuvlanuoraide 8. ceahki rájes geain lea sámegiella fágan oahpahusas Norggas?


8.

… ahte ovddeš doaimmaheaddji ja maiddái girječálli Elle Márjá Vars, son gii earet eará lea čállán Čábbámus iđitguovssu, sáhttá gohčodit Š “eadnin”. Sámi nuoraidmagasiidna lei vuosttažettiin su idea ja áŋgiruššama duohken.


Elle Marja Vars
Š “eadni” Elle Márjá Vars.

9.

… ahte nuorat sáhttet ieža sáddet čállosiid ja cavgilit midjiide áššiid birra? 


10.

… ahte Š lea dat media mii buot ovddemus almmuha varraseamos duodjemotaid Sámis? Dan gal duostat čuoččuhit. Ovddeš doaimmaheaddji Máret Ánne Sara álggahii min beakkán Muoiddut ja motat spaltta. 2017:s mis ges lei fáddánummár gáktemotaid birra.



Tags:    Nuoraidmagasiidna   •   Š   •   Sámi fun facts   •   Sámi mota   •   ungdomsmagasin   •  

Sullásaš lohkamuš