Niels Ovllá lea redaktöörine orreme Š-magasijnesne 2012 raejeste, men daelie damta satne byöroe dïedtem såemies jeatjabidie vedtedh jïh orre haestemigujmie nïerhkedh.

– Daate låhkoe Š-magasijneste dïhte minngemes sjædta goh redaktööre! Guktie domtoe?
– Im sïjhth jiehtedh manne naan ållesth identiteeteaehpiem damtem, men nov gujht damtem Š lea stoerre bieline orreme mov identiteeteste jïh mov jieliedistie. Seamma tïjjen damtem daelie reaktoe mov åvteste gijhtedh.

– Datne lih 20 jaepien båeries jïh studente gosse redaktöörine eelkih. Guktie datne dam dååjrih?
– Voestegh jaavoe jeehtim ajve aktem låhkoem darjodh, men mænngan faalenassem åadtjoejim sæjjasadtjine årrodh aktem jaepiem. Idtjim buektehth baajedh årrodh, guktie barkoem veeltim, jalhts lim aaj elliestijjen studente don aejkien. Mænngan leam Š-magasijnesne orreme bielelen aktem jaepiem gosse mov lij permisjovne. Damtem iktegisth leam maam akt orre lïereme.

– Guktie damth Š lea jorkesamme mearan datne redaktöörine orreme?
– Guktie manne vuajnam, dellie noere saemieh tjoevkesisnie vielie goh gåess’akt. Dah leah åvteguvvieh musihken, sjollehtimmien, politihken jïh jïjnjen jeatjah sisnjeli. Jïh manne leam pryöveme dam speejjeldidh mov boelhken goh redaktööre. Leam aaj pryöveme dejtie dam tsåatskelesvoetem vedtedh maam leah vyörtegs åadtjodh.

– Nååts saemien noerh? Dah leah jorkesamme?
– Tjoevtenjebaakoe daesnie lea sosijaale medijah. TikTok jïh Instagrame, jis edtjem naakenh neebnedh. Manne vïhtesjadteme noeri medijavoeth leah jorkesamme. Daate laavenjasse mïsse mubpie redaktööre åådtje ussjedidh, guktie Š maahta jïjtjemse dïsse sjïehtedidh.

– Mah leah dov bööremes mojhtesh dov tïjjeste Š-magasijnesne?
– Uvtemes leam gelliej almetjigujmie åahpenamme. Jienebh vïenevoeth jïh damtesh leah naakede maam meatan vaaltam. Men naakede mij aaj sjïere orreme, lea dåeriedidh dejtie gïej bïjre tjaaleme. Jeenjesh lin aalkoeboelhkesne gosse dej bïjre tjeelimh, men mænngan leah lyhkesamme jïh sijjen nïekedassh jakseme. Daate skreejrije orreme.

– Jïh dellie mïsse akt eevre jeatjah! Datne aadtjen joejkekategorijem vitnih daan jaapetje Sámi Grand Prixesne, joejkine «Sávrrimus»! Jïjnjh læhkoeh! Guktie dïhte domtoe?
– Jïjnjh gæjhtoeh! Lij joekoen tjaebpies dååjrese. Im lim doesteme dam håhkesjidh, dan åvteste daate lij voestes aejkien manne joejkim jallh laavloejim goltelæjjide. Væjkele gaahtjijh lin aaj. Men musihke lea badth naakede mestie edtjem vielie darjodh. Manne joe studijovisnie orreme, guktie jienebh laavlomh båateledtieh nommen nuelesne OSCAAL.

– Domth riejries Š-magasijnine gåvnahtidh?
– Im maehtieh dåajvoehtidh im gåessie gænnah sïjhth guvviedidh jïh tjaeliestidh Š-magasijnese båetijen aejkien, men riejries domtem maam akt jeatjah aaj darjodh. Manne joekoen gijhteles don baelien åvteste Š-magasijnesne jïh leam geerjene dan nuepien åvteste maam don aejkien åadtjoejim. Gæjhtoe! Hævvi aaj ånnetji rovnege sjædta, men daajram plaerie lea jearsoe gïeti sisnie.