Kultuvra  Portreahtta  |
Author Niels Ovllá Oskal Dunfjell | Språk/Giella: language Norsk

Evelina Solsten (21) Klïereste Jïemhtesne bijjelen 58 000 dåeriedæjjah TikTokesne jïh bijjelen 24 000 Instagramesne åtna. Sosijaale medijinie jieliedistie juaka goh båatsoesaemie.

Evelina Solsten. Guvvie: Ann Kristin Solsten
Evelina Solsten. Guvvie: Ann Kristin Solsten

Les saken på norsk.
Jarkoestæjja: Ellen Bull Jonassen

Gaajhke pandemijesne eelki. Evelina eelki videjovh TikTokese bæjhkoehtidh. Såemieslaakan goh naakede mejnie meehti nossedh, men aaj tjïelke dïjrine.           

– Aalkoelisnie mov lin ajve 30-40 dåeriedæjjah TikTokesne åvtelen ajve faahketji varke læssani. Mov voestes videjove vielie goh 20 000 vuesiehtimmieh åadtjoeji.

– Im lim ryöjreldihkie dagkeres vaastahtahkem åadtjodh, Evelina jeahta.

– Leam jïjtjemem

Dïhte tuhtjiegaajh stoerre dan gelliej dåeriedæjjajgujmie. Damta sov lea stoerre dïedte, men læjhkan ajve maam akt bæjhkohte gosse damta satne sæjhta.

– Manne joekoen seadtoes damtem raaktan dan bïjre. Manne jïjtjemem jïh tuhtjem daate ajve luste. Jïh nov sån aaj mannasinie mov kontoeh dan stoerre sjïdteme goh leah.
 
– Datne jïjtjedh åtnah goh influencere?
           
– Voelph jïh jeatjebh mannem dam gåhtjoeh. Pandemijesne idtjim mahte almetjh råakh, men daelie gosse seabradahke vielie ræhpas, dellie gujht vuajnam såemies mannem damtijieh. Ånnetji rovnege domtoe, men dagke leam influencere såemieslaakan.         
           


Åvtelhaarvoeh hööptie

Ij guhtekrïevenassh bïejh mïsse jïh gåessie dïhte edtja maam joem bæjhkoehtidh. Jïjtje tjïelke dïjrem læjhkan åtna.

Dïhte sæjhta daajroeh båatsoen jïh saemien kultuvren bïjre geerjehtidh. Maaje åvtelhaarvoej vööste aaj barkedh.

Damta satne dam buektehte. Jeenjemasth.

– Joekoen TikTokesne gellie lahtestimmieh jïh bïevnesh åadtjoem. Jis akte videjove lea gaskeviermesne, dellie maahtam saaht gïem jaksedh.  Dellie maahta såemies vesties lahtestimmieh båetedh mijjen vööste goh saemieh.

Gellie bïevnesh åådtje

Instagramesne sov ulmiedåehkiem sagke buerebe jaksa. Desnie åajvahkommes altese dåeriedæjjah mah vuejnieh maam dïhte dïsse beaja jïh dïsse tjaala.

Dah sijhtieh daamtaj vielie lïeredh jïh dan åvteste numhteben naemhteben bïjre gihtjieh.

– Im asth gaajhkh lahtestimmieh jïh bïevnesh vaestiedidh mah sïjse båetieh. Im darhkh asth gaajhkh bïevnesh lohkedh. Dellie im im asteme maam akt jeatjah darjodh, föörhkede.

Guvvie: Ann Kristin Solsten


Såemies aejkien såemies dejstie lahtestimmijste dan raeriehtåvva guktie vuajna satne daarpesje digkiedimmiem vaeltedh.

– Men tjoerem damtedh digkiedimmie mïelem vadta. Tjuara maam akt destie sjïdtedh, jis ij, dellie im vissjh.

Dïedtem damta

Aalkoelisnie jeanatjommesasse vaestiedi. Jeenjesh viehkiem sïjhtin skuvlelaavenjasside. Gosse lij 12 jaepien båeries lij aaj meatan sveerjen TV-programmesne. Desnie aaj joekoen basic fokuse sjïdti, guktie jïjtje dam tjïelkeste.

– TV-programmesne månnoeh aehtjieh tjoerimen eevre aelhkies aati bïjre soptsestidh, goh mijjieh saemieh aaj eevre sïejhme gåetiej sisnie årrobe.

– Damth dov dïedte sjïdteme saemiej bïjre bievnedh?

– Såemieslaakan. Men raaktan leam iktesth dam dïedtem damteme, aaj TikToken jïh Instagramen åvtelen. Seamma tïjjen ij byörh mov dïedte årrodh. Staaten dïedte.


Bovtsh vihkielommes gaajhkeste

Evelina mijjine tellefovnesne soptseste Upmejistie. Dïhte studeentine sjïdteme jïh edtja seabradahkesoejkesjimmiem lohkedh doh minngebe golme jaepieh.

Såemies orre faahketji lahtesh altese låemties bovtsijste eah sïjhth båetedh åvtelen satne gåetide vualka.

– Manne veeljeme ööhpehtimmiem vaeltedh mij mannem baaja dovne barkedh jïh bovtsigujmie gïehtelidh. Dellie ij maehtieh saaht maam ööhpehtimmiem vaeltedh. Mov bovtsh leah gidtjh gaajhke munnjien.

– Eeremasth sïjhtem gåetesne Klïeresne årrodh. Dïhte mov nïekedasse.

Sullásaš lohkamuš