Mun lean gullan ahte láikkes olbmot dat lea hutkan veahkkeneavvuid nu movt omd. lihttebassanmašiinna, el-sihkkela, robohtanoavkki jna.

Mus lea ge alddán robohtanoavki. Dat čorge eret buot ribaid dan botta go ieš velohalan ja geahčan TV. Eh ... Na jus dan válljen dahkat dan botta. Láhtti maid basašii jus dáhtošin.  

MUHTO eai hal dát hutkit lean láikkit. Geniálat han sii leat! Jurddaš, beasat áibbas eará doaimmaid gálgat dan botta go veahkkeneavvut barget du ovddas. Ii olmmoš goit láikko dan dihte vaikko reaŋga lea.

Juo, reaŋga fal. Bártnit maid sáhttet čorget viesuid, ja danne lean reaŋgan nammadan iežan robohtaveahki. Viššal ja barggán lea ge maid.

Ii gáibit bálkká ge.

MUN GAL IEŠ in láikko dan dihte. In heađisge. Dan botta go reaŋga čorge mu ovddas, de čálán dán čállo... Teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta. teaksta teaksta.

LEAN HUI GIITEVAŠ áiggi ovddas mii skeŋkehuvvo munnje dán dihte. Dát ođđaáigásaš veahkkeneavvut addet munnje vejolašvuođa leat hutkái ja bargg... Teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta.

VIESSOBARGGUT gal dieđusge báhcet munnje nai. Robohtanoavkki ferte oainnat gurret maid duollet dálle. Ii lihttebassanmašiidna ge guorran iešalddis.

Dán gohčodan vuogas ovttasbargun.

DÁL GES gullo bivttasbassanmašiidna civkime. Dat gearggai bassamis. Doapmalan heŋgestit biktasiid goikat ovdalgo fas joatkkán čállit, dál go vuos šattai dákkár čállinmokta. Mu veahkit addet oainnat ođđa návccaid viššalit bargat ja ... Teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta teaksta.

VUORDDES VEAHÁŠ! Dál gullo mu reaŋga čuorvume. Dat lea njáhkalan bádii čorget, ja dál ii beasa šat olggos dannego uksalassá vissa lea beare allat dasa. Ferten go duođai ieš bargat buot?! Láikkes diŋga mii ii gille ieš geahččalit ge!

Loga maid: Gean don leat bárdni?

Loga maid: Go váhnemat válljejit du ovddas